طيب أنا كمان شهر هبقى عامله ايه؟
شهر يعني تقريبا أربع أسابيع
و الأسبوع من أسبوع مايبعدوش عن بعض كتير
شهر يعني تلاتين يوم
تلاتين النهاردة
تلاتين بكره
تلاتين امبارح
شهر...مش بعيد
و الشهر ده في منه كام واحد
اتناشر
لو واحد عدا الحداشر الباقيين هيعدوا زيه
هبقى عامله ايه كمان سنه؟
زي مأنا
ماهو مش بعيد
الساعه واحده و ربع الا دقيقه
ستين ثانيه يعملوا واحده منهم
تصدق هي دي اللي بعيده
هبقى عامله ايه كمان دقيقه؟
ما هي دي اللي بيحصل فيها كل حاجه
بتموت ناس في اديها حكايات
و بتخلق حكايات بتجر وراها ناس
دقيقه
مش يوم مش شهر مش سنه
صغيره بس بعيده
خللي بعدك يموتلي كل الحكايات القديمة
و يحييلي اللي هيخليلي
التلاتين بكره اللي جايين دول أحلى من التلاتين امبارح
لو سمحتي
التلاتين بكره اللي جايين دول أحلى من التلاتين امبارح
لو سمحتي
No comments:
Post a Comment